الـ DIGITAL MARKETING هو مش FACEBOOK فقط !

التسويق الإلكترونى أو التسويق الرقمي هو عبارة عن التسويق عبر أى قناة
بتتعامل مع التكنولوجيا

يعنى الإعلانات اللى بتتذاع على التليفزيون ، دي تسويق تقليدي
اما لو نفس الإعلان اتذاع على منصة زي FACEBOOK مثلا ! كدا بقى تسويق الكترونى

طيب ايه هي قنوات التسويق الإلكترونى ؟

1-    التسويق عبر منصات السوشيال ميديا

2-    التسويق عبر محركات البحث (GOOGLE – YAHOO) باستخدام WEBSITE

3-    الـ E-mail Marketing

4-    الـ SMS MARKETING

5-    SEARCH ENGINE OPTIMISATION

6-    الاعلانات المدفوعة 

ايه مميزات التسويق الإلكترونى ؟

–
اولًا و أهمهم ، انك
بتوصل لعميلك ، مش لعامة الناس
يعنى تقدر بمنتهى السهولة توصل للفئة المستهدفة فقط ، مش الناس كلها زى التسويق
التقليدى (كمثال : اللافتات في الشوارع الناس كلها بتشوفها ، و ممكن جدًا يكون
معظمهم مش الفئة المستهدفة للبيزنس بتاعى)

–
ثانيًا ، تكلفته أكيد
أقل من التسويق التقليدي
(كمثال : لو طبعت flyers و فكرت
توزعها على الناس في الشارع ، كام واحد هيقرر يجيلك في مكانك بسبب الفلاير دي ، و
في المقابل ،، الطباعة كلفتك كام ؟)
لكن لو قررت تعمل نفس الحاجة على Facebook مثلا ، هتقدر باعلان واحد تجمع عدد كبير من
داتا عملاءك ، او تتفاعل معاهم ، او تستلم رسايل فيها طلباتهم … و اكيد الإعلان
دة هتكون تكلفته أقل من طباعة flyers ممكن ماتجيبش ولا عميل …

–
ثالثًا ، تقدر بمنتهى
السهولة تحدد بالظبط الأدوات اللي بتقوى البيزنس بتاعك
(كمثال : محتارين في اشتراكات GYM مثلا ، نعمل خصومات ولا باكيدجات مكونة من كورسات خاصة بسعر مميز
مش موجود في الاشتراكات العادية ،،، تشاورنا مع بعض ، و قولنا أكيد الخصومات أفضل
!
و لما جربنا الخصومات فعليا ، ماحققتش الهدف المنتظر ! فرجعنا لقنوات السوشيال
ميديا ، زي INSTAGRAM  مثلا
فبدأنا نخير الناس و نعمل VOTING ،، اكتشفنا
ان 70% من متابعيننا اختاروا الباكيدجات ! و بكدا وفرنا وقت و محاولات و كمان
كسبنا ثقة العميل فينا و وصلناله انه له يد في القرار عندنا و اننا بنسعى لراحته)

–
رابعًا : مواكبة العصر !
محدش في العالم كله حاليا مابقاش معاه SMART PHONE ، و دة يخليك لازم تتواصل مع الناس بطريقتهم

–
خامسًا : البيع الأون
لاين ،، أكتر من 50% من الناس حاليا بقت بتشتري أون لاين ، قليل جدا من الناس اللى
لسة بينزل يلف في المحلات و المولات ،، لكن لو البيزنس بتاعك بردو لسة قائم على
البيع من مقرك ،، فتقدر بردو توصل للفئة المستهدفة و تعرض منتجاتك عالنت ، و الناس
تنزل من بيتها عشان تجيلك مباشرةً

       دي
كلها المميزات الأساسية بس ! و في أكثر من كدا ……