طيب ايه هو الـ web designing   ؟

اولا : يعنى ايه ويب سايت ؟

الويب سايت دة الموقع الإلكترونى اللى بيخليك لك تواجد و ظهور على محركات البحث ( يعنى اللى يبحث عنك على جوجل او ياهو يلاقيك) و مش شرط ابدًا يكون عندك فيس بوك او انستجرام عشان تعمل ويب سايت

طيب دة مهم ؟

في الحقيقة ،، هو أهم الخطوات تقريبا و أكثرها أولوية

لإنك ببساطة :

• الويب سايت الناس هى اللى بتدور عليك ، مش انت اللى بتدور عليهم + انك لو عندك اى بلات فورم سوشيال ميديا تقدر تربطه بيها
• بتقدم من خلال الويب سايت تحدد حجم مبيعاتك و فايدتك
• بتقدر تعمل اعلانات على جوجل و دة بيكون في أحوال كتير جدا أفضل من فيس بوك خصوصا في الفترة الأخيرة
• بيساعدك ان كل شغلك يكون محفوظ على الويب سايت و موثق
• خصوصا كمان لو عاوز تتوسع بالبيزنس بتاعك برا البلد اللى بتشتغل فيها ، الويب سايت هيساعدك في دة جدا

طب هو بيتعمل ازاى ؟

هو بيتعمل بطريقتين .. و احنا بنوفر الاتنين

الأولى هى البرمجة :

 اننا ننشئ موقع من الصفر بالبرمجة و الأكواد و نبدأ نرفعه على النت و نشترى استضافة ، و دة بيكون ميزته انك تقدر تفصل الموقع زي مانت عايز و بيكون بروفيشينال أكتر بكتير .. بس تكلفة عالية

التانية هى اننا بنستخدم مواقع جاهزة (WordPress – blogger) :

 بنستخدم القوالب الجاهزة الموجودة عليها و نبدا نرفع عليها شغلنا و نحاول نعدل على القالب الموجود ، التكلفة بتكون أقل طبعا

و في الحالتين انت بمجرد وجود ويب سايت للبيزنس بتاعك ف هو اخد image و مكان في السوق ،، و بالشغل عليه (مش اقل من سنة) هيكون متصدر محركات البحث و هتبدأ تزود مبيعاتك بدون مجهود أو تكلفة اعلانات