يعنى مثلا لو موقعك أصبح بيتصدر الصفحات الأولى و بيدخله عدد زوار كبير ، دة معناه انك ممكن تقدم في AdSense ، و دة معناه انك بتطلب من جوجل انه يسمح للمعلنين ياخدو مساحات من موقعك يعلنوا عليها

و بالتالى بيطلعلك انت فلوس في مقابل دة

بس طبعا يكون الـ SEO بتاع الموقع بتاعك مظبوط و بيجيلك زيارات عشان جوجل يقبل دة 

و الحقيقة ان الـ SEO مش بس مقالات

• لا ،، دة مجموعة كبيرة من الشروط و التظبيطات اللى بنقوم بيها جوا كل صفحة في موقعك
• من أول اختيار الكلمات المفتاحية لحد الكتابة و طريقتها
• لحد تظبيط اللينكات الداخلية و الخارجية
• و العلامات و المسافات و العناوين و غيرها
•  

و مش بس الشروط دى للمقالات ، لا دى للموقع نفسه و لكل صفحة زى ماتكلمنا فوق

و الحقيقة ان شغل الـ SEO بينقسم ل 3 مراحل ، كل مرحلة يقدر يشيلها شخص أو فريق متخصص

الاولى هى تصميم الموقع ، بشكل يكون مقبول بالنسبة لجوجل و السيرفر يكون سليم و معمول بشكل شرعى

الثانية هى الكاتب (في حالة مجالك محتاج مقالات) او مسئول مخزن (لو مجالك E-commerce) بيبقى مسئول عن داتا المنتجات

و الثالثة هى متخصص الـ seo و دة هو اللى بيظبط الموقع و المقالات و المنتجات على شروط الـ  SEO و بيبدأ يشتغل على الموقع لمدة ممكن تزيد عن 6 شهور عشان الموقع يبدأ يظهر على جوجل و تجيله زيارات

طبعا ،، طالما في ويب سايت ، يبقى الـ SEO مهم جدا جدا لموقعك